Ljóðakeppni Heiðarskóla 2025

Ljóðakeppni Heiðarskóla 2025

Spennandi tímar eru framundan í Heiðarskóla! Í tilefni af degi íslenskrar tungu þann 16. nóvember nk. er öllum nemendum boðið að taka þátt í skemmtilegri ljóðakeppni sem gefur þeim tækifæri til að sýna fram á sköpunargáfu sína og leikni með móðurmálið.

Þetta er frábært tækifæri til að leyfa hugmyndafluginu að njóta sín og setja tilfinningar og hugsanir niður á blað í bundið mál. Hvort sem þú skrifar um náttúruna, vini þína, fjölskylduna eða eitthvað allt annað sem þér finnst mikilvægt – allir nemendur eru velkomnir til að taka þátt.

Skilafrestur ljóðanna er mánudaginn 10. nóvember, svo þú hefur góðan tíma til að búa til eitthvað alveg sérstakt. Skilaðu ljóðinu þínu til Ruthar skrifstofustjóra og þá ertu kominn í pottinn! 

Vinningsljóðin verða svo lesin og veitt verða verðlaun á menningarstundum vikuna 17.-21. nóvember.