Heilsu- og forvarnardagar

Heilsu- og forvarnardagar

Heilsu- og forvarnardagar í Heiðarskóla verða  dagana 1. – 3. október og verður dagskráin fjölbreytt og skemmtileg. Markmið daganna er að vekja athygli á mikilvægi heilbrigðra lífshátta, hreyfingar og forvarna fyrir alla aldurshópa.

Dagskrá helstu viðburða:

• Ólympíuhlaup ÍSÍ – Allir nemendur taka þátt í þessum skemmtilega viðburði (miðvikudagur).
• Kynning frá UMFÍ – Fyrir nemendur í 1.–6. bekk (miðvikudagur).
• Fellum húsin – 8. bekkur tekur þátt í skemmtilegri keppni (fimmtudagur).
• Leikir í frímínútum skipulagðir af nemendaráði
• Fyrir yngri nemendur (fimmtudagur og föstudagur).
• Fyrir eldri nemendur (föstudagur).
• Fyrirlestur um netöryggi – Mikilvæg fræðsla fyrir 7.–10. bekk (fimmtudagur).

Sérstök dagskrá á föstudegi:

📵 Símalaus dagur – Frábært tækifæri til að efla félagsleg samskipti og minna á mikilvægi stafræns jafnvægis.
🍎 Ávaxtadagur í boði Skólamatar – Hollt og gott í tilefni dagsins.
👟 Íþróttabúningaþema – Nemendur og starfsfólk eru hvattir til að mæta í íþróttabúningi eða uppáhalds íþróttatreyjunni sinni.

Við hvetjum alla foreldra og forráðamenn til að ræða við börnin sín um þessa viðburði, sérstaklega símalausa daginn og þýðingu hans. Þetta er kjörið tækifæri til að efla umræðu um heilbrigðan lífsstíl og góðar venjur bæði í skóla og heima.

Við hlökkum til að sjá nemendur taka virkan þátt í þessum fræðandi og skemmtilegu dögum.