Styrkur úr samfélagssjóði HS orku
Nú á dögunum fékk Heiðarskóli góðan styrk úr samfélagssjóði HS orku til að nýta í þróunarverkefni í stærðfræði sem ber heitið "Það er gaman í stærðfræði".
Verkefnið mun leiða af sér heildstæða stærðfræðikennslu í Heiðarskóla. Þar er áhersla lögð á að nemendur upplifi jákvæðni í stærðfræðinámi og að þeir hafi margvíslega möguleika við úrlausnir.
Styrkurinn verður nýttur til kaupa á stærðfræðigögnum (námsgögnum/hjálpargögnum) sem þarf til að auka gæði kennslunnar.
Við erum afar þakklát fyrir góðan styrk sem mun nýtast vel.
