Lestrarátak Ævars vísindamanns 2018

Lestrarátak Ævars vísindamanns hófst 1. janúar og lýkur 1. mars. Hér eru skilaboð til krakkanna frá Ævari:

 

Reglurnar eru þessar:

 

1. Það má lesa hvaða bók sem er.

 

2. Á hvaða tungumáli sem er.

 

3. Hljóðbækur og ef einhver les fyrir þig telst með.

 

NÝ REGLA: 4. Allir krakkar í 1. - 10. bekk mega taka þátt.

 

Fyrir hverjar þrjár bækur sem þið lesið prentið þið út lestrarmiða, fyllið út og skilið á næsta skólabókasafn, sem mun svo koma þeim til skila. Ef einhverjir eru að taka þátt utan skóla (eins og t.d. krakkar sem búa í útlöndum) er hægt að senda lestrarmiðana á:

 

Heimili og skóli, Suðurlandsbraut 24, 108 Reykjavík.

 

Í byrjun mars verður dregið úr öllum innsendum lestrarmiðum og fá fimm krakkar í verðlaun að vera persónur í æsispennandi ofurhetjubók eftir Ævar sem kemur út í maí.

 

Í síðustu þremur átökum voru lesnar meira en 177 þúsund bækur.

 

Það verður einstaklega spennandi að sjá hvernig okkur gengur í ár.

 

Áfram lestur!

 

--

 

Við hvetjum alla krakka í Heiðarskóla eindregið til að taka þátt í þessu skemmtilega lestrarverkefni. Nánari upplýsingar má nálgast hér: www.visindamadur.com