Háttvísi – Hugvit – Heilbrigði

Fréttir

Árshátíð Heiðarskóla 2018 - upplýsingar

Nemendaárshátíðir og generalprufa unglingastigs

 

Fimmtudaginn 15. mars verða haldnar nemendaárshátíðir á sal skólans fyrir yngsta- og miðstig. Nemendur eru þá samankomnir á sal þar sem þeir sýna og horfa á atriði. Ekki er gert ráð fyrir að foreldrar/forráðamenn séu gestir þennan daginn. Skipulag dagsins er á þessa leið:

Kl. 8.10 – 9.50: 4. - 7. bekkur.

Kl. 9.50 – 11.10: 1. - 3. bekkur.

Að öðru leyti er kennt samkvæmt stundaskrá.

Föstudaginn 16. mars er svo árshátíð Heiðarskóla 2018.

 

Árshátíðin er þrískipt og eru tímasetningar sem hér segir:

1. - 3. bekkur: Mæting í heimastofu kl. 8.10, hátíð hefst kl. 8:20.
4. - 7. bekkur: Mæting í heimastofu (nema annað sé tekið fram) kl. 10:15, hátíð hefst kl. 10:30.

8. - 10. bekkur - Mæting í heimstofu kl. 12:45, hátíð hefst kl. 13:00.

 

1. - 7. bekkur

 

Nemendur í 1. - 7. bekk  halda til í heimastofum sínum ásamt umsjónarkennara og koma í salinn til að sýna sín atriði samkvæmt dagskrá. Foreldrar eru hjartanlega velkomnir á sal skólans.

Að öllum atriðum loknum bjóða nemendur gestum sínum upp á kleinur og kaffi í heimastofum. Nemendur koma með nesti sem þeir borða þegar það hentar hópnum miðað við niðurröðun atriða. Má það vera sætabrauð og drykkur. Leyfilegt er að koma með gos þennan dag en ekki orkudrykki.

 

8. - 10. bekkur

 

Eftir leiksýningu unglingastigs verður kaffiboð á gula og rauða gangi.

Nemendur í 8. bekk eru beðnir um að koma með drykk, 2 l af gosi eða 1 l. af safa og nemendur í 9. og 10. bekk með köku eða brauðrétt. Kaffi verður í boði skólans. Skila þarf veitingum í heimilisfræðistofu áður en farið er í heimastofu kl. 12.45.

Frumsýning leikritsins Pinnar og púkar hefst stundvíslega kl. 13.00 og stendur yfir í um klukkustund og hefst þá kaffiboð. 

Foreldrar eru hjartanlega velkomnir.

ad_image ad_image ad_image